Abhijeet Dipke Phone Call Uddhav Thackeray : छत्रपती संभाजीनगरमध्ये 'कोकरोच जनता पार्टी'चे संचालक अभिजीत दिपके यांच्या आंदोलनाला यश मिळाल्यानंतर त्यांच्या घरी मान्यवरांची रिघ लागली आहे. शिवसेना (उद्धव बाळासाहेब ठाकरे) पक्षाचे नेते व माजी खासदार चंद्रकांत खैरे यांनी नुकतीच अभिजीत दिपके यांच्या घरी भेट दिली.

या भेटीदरम्यान चंद्रकांत खैरे यांनी थेट पक्षप्रमुख उद्धव ठाकरे यांच्याशी फोनवरून संवाद घडवून आणला. यावेळी उद्धव ठाकरे यांनी अभिजीत यांच्या आई-वडिलांशी बातचीत करत आंदोलनाच्या यशाबद्दल शुभेच्छा दिल्या; तसेच अभिजीत यांच्या लग्नाबाबतही आपुलकीने विचारपूस केली. उद्धव ठाकरे आणि दिपके यांच्या पालकांमधील या अनौपचारिक संवादाची सध्या राजकीय व सामाजिक वर्तुळात चांगलीच चर्चा रंगली आहे.