ठाकरे गटाच्या खासदारांनी एकनाथ शिंदे यांच्या शिवसेनेत सोमवारी प्रवेश केल्याने राजकारणात मोठी खळबळ उडाली असून दिल्लीमध्ये शिंदे यांची ताकद वाढली आहे. यानंतर आता पुन्हा उद्धव ठाकरे यांना मोठा धक्का बसणार असल्याचे बोलले जात आहे. शिंदेसेना मुंबई नगरपालिककेतील ठाकरे गटाच्या नगरसेवकांना गळाला लावण्याच्या प्रयत्नात असल्याचे समोर आले आहे. सूत्रांनी दिलेल्या माहितीनुसार, ठाकरे गटातील 20 पेक्षा जास्त नगरसेवक शिंदे गटाच्या संपर्कात आहेत. या घडामोडींमुळे ठाकरे गटात मोठा राजकीय भूकंप होण्याची शक्यता वर्तवली जात आहे. सध्या ठाकरे गटाचे महापालिकेमध्ये 65 नगरसेवक आहे. विरोधी पक्षनेतेपद देखील त्यांच्याकडे असून जर हे नगरसेवक शिंदेगटात गेल्याने विरोधी पक्षनेते पदावरून पायउतार ह्वावे लागेल.