उद्धव ठाकरे आणि राज ठाकरे एकत्र येऊ शकतात का? असा सवाल अभिनते महेश मांजरेकर यांनी राज ठाकरे यांना विचारल्यावर राज ठाकरे यांनी त्याला सकारात्मक देत महाराष्ट्रासमोर आमचा वाद हा किरकोळ आहे असे सूचक विधान केले आणि उद्धव ठाकरे यांनी देखील त्याला दुजोरा दिला. यावरच मंत्री भरत गोगावले यांनी प्रतिक्रिया दिली आहे.

ते म्हणाले, महाराष्ट्रासाठी कोणतेही प्रश्न शिल्लक राहिले आहे असं आम्हाला वाटतं नाही आणि राहिले असेल तर महायुती म्हणून आम्ही त्याला सामोरे जाऊ शकतो. जर राज ठाकरे आणि उद्धव ठाकरे हे एकत्र येत असतील तर ते त्यांच्या दृष्टीने चांगल आहे. तसेच एकनाथ शिंदे हे त्यांना भेटायला गेले होते. आम्ही त्यांना विचारणार आहोत, की भेटीत काय चर्चा झाली असे गोगावले म्हणाले.

आता राज ठाकरेंना जर त्यांचा पाझर फुटला असेल तर ते कधीही एकत्र येऊ शकता. तसेच आगामी महापालिका निवडणुकीवर यांचा काही परिणाम होईल का? असा प्रश्न विचारला असता ते म्हणाले, मुंबईतील अनेक उबाठाचे नगरसेवक आमच्याकडे आले आहे आणि मुंबईसह कल्याण-डोंबिवली आणि ठाणे महापालिका निवडणूक आम्हीच जिंकू असा विश्वास मंत्री गोंगावले यांनी व्यक्त केला.