शिंदे गटाचे नेते श्रीनिवास वनगा यांची उमेदवारी डावळण्यात आली असून यामुळे सध्या वनगा कुटुंबीय मोठ्या चिंतेत आहेत. पालघरचे शिवसेना शिंदे गटाचे आमदार श्रीनिवास वनगा यांच्या जागी भाजपमधून आयात करून राजेंद्र गावित यांना उमेदवारी देण्यात आली. त्यामुळे श्रीनिवास वनगा मागील दोन दिवसांपासून डिप्रेशनमध्ये असून अन्नपाणी सोडून दिलं आहे. पालघर नाही तर डहाणू विधानसभेचे तरी तिकीट मिळेल, या आशेवर राहिलेल्या वनगा यांना मात्र शिंदे यांनी पूर्णतः वाऱ्यावर सोडल्याचा आरोप त्यांच्या कुटुंबीयांनी केला.

वाढदिवसाचे कारण देऊन बंड करणारे एकनाथ शिंदेसह चाळीस आमदारांना घेऊन गुजरातला गेले. तेच श्रीनिवास वनगा यांच्या मुलाचा वाढदिवस आहे, असं सांगून बंड करण्यात आला. मात्र यात पूर्णतः तिकीट कापून आपल्याला वाऱ्यावर सोडल्याचा आरोप श्रीनिवास वनगा यांनी केला आहे. मला आमदार करणारे उद्धव ठाकरे होते, त्यांच्या कृपेमुळेच मी आमदार झालो आणि त्या देव माणसाची मला माफी मागायची आहे. मी त्यांच्याकडून कुठल्याही पदाची अपेक्षा करत नाही. पण मी माझ्या केलेली चुकीची माफी देव (उद्धव ठाकरे) माणसाकडे जाऊन मागणार आहे, असं ते म्हणाले आहेत.