उद्धव ठाकरे पुन्हा एकदा संकटात सापडले आहेत. चार वर्षांनंतर ठाकरे गटात पुन्हा फूट पडली आहे. ६ खासदारांनी साथ सोडून दिल्याने उद्धव ठाकरेंच्या शिवसेनेला मोठा हादरा बसला आहे. एकनाथ शिंदे यांनी ४ वर्षांपूर्वी ठाकरेंचे ४० आमदार फोडले होते. त्यानंतर ६ खासदारांनी ठाकरेंवर आरोप करत साथ सोडली. सर्व बंडखोर ६ खासदार शिंदे गटात प्रवेश करणार असल्याचे बोलले जात आहे. एकीकडे पक्ष ६० वा वर्धापन दिन साजरा करत असताना मशाल चिन्हावर निवडून आलेले खासदार शिंदे गटाच्या वाटेवर आहेत. राज्यातील राजकीय संघर्षाच्या पार्श्वभूमीवर उद्धव ठाकरे यांनी भावनिक पोस्ट शेअर करत शिवसैनिकांना साद घातली आहे. त्यांनी बाळासाहेब ठाकरेंचा बोलका फोटो सोशल मीडियावर पोस्ट केला आहे. त्यासोबत कवी कुसुमाग्रज यांच्या ओळी लिहिल्या आहेत. या पोस्टमुळे राजकीय वर्तुळात पुन्हा एकदा चर्चांना उधाण आलंय. 'किरणांचा उघडून पिसारा देवदूत कोणी, काळोखावर खोदित बसला तेजाची लेणी, या आशयाची पोस्ट पुन्हा मैदानात लढण्यासाठी सज्ज असल्याचा आशादायी संदेश ठाकरेंनी शिवसैनिकांना दिला आहे.