धाराशिव : विधानसभा निवडणुकीच्या मतदानाला एक दिवस बाकी आहे. या मतदानाच्या एक दिवस आधीच राजकारण ढवळून निघालं आहे. विरारमध्ये भाजप नेते विनोद तावडे यांनी पैसे वाटल्याचा आरोपानंतर राजकीय वर्तुळात आरोप-प्रत्यारोप सुरु झाले आहेत. या विनोद तावडे प्रकरणावर माजी मुख्यमंत्री उद्धव ठाकरे यांनी पहिली प्रतिक्रिया दिली आहे.

उद्धव ठाकरे म्हणाले, तुळजा भवानीच्या दर्शनाला येतानाही माझी बॅग तपासली गेली. त्यांना तेव्हाही काही सापडलं नाही. विनोद तावडे यांच्या बॅगेत पैसे सापडले, हे तुमच्याकडून कळालं. अनिल देशमुख यांच्यावर हल्ला झाला. हे दगड तपासण्याचं काम कोणी करायचं होतं? म्हणून तुळजा भवानीला साकडं घातलंय, भ्रष्ट आणि दहशतवादी राजवट या राज्यातून नष्ट करून टाक'.