Uday Samant Mobile : उद्योग मंत्री उदय सामंत यांचा आज पुण्यातील कार्यक्रमादरम्यान मोबाईल हरवला म्हणजेच गहाळ झाला होता. काही वेळाने मात्र तो सापडला असल्याची माहिती पोलिसांनी दिली आहे.

पुण्यातील गणेश कला क्रीडा मंच या ठिकाणी पंतप्रधान नरेंद्र मोदी यांच्या हस्ते विविध विकास कामांच्या कार्यक्रमाला उदय सामंत उपस्थित होते. कार्यक्रम संपल्यानंतर आयोजकांनी उद्योग मंत्री उदय सामंत यांचा फोन हरवलाय, कोणाला सापडला असल्यास त्याने आणून द्यावा असं जाहीर केले होतं. यानंतर काही वेळातच सामंत यांना त्यांचा फोन मिळाला, अशी माहिती पोलिसांनी दिली. या घटनेला उदय सामंत यांनी स्वतः देखील दुजोरा दिला असून मोबाईल सापडला असल्याची माहिती सुद्धा दिली.