राष्ट्रवादी अजित पवार गटाचे प्रदेशाध्यक्ष तथा रायगड जिल्ह्याचे खासदार सुनील तटकरे यांनी सहकुटुंब तुळजापूर येथे आई तुळजाभवानीचे दर्शन घेतले आहे. यावेळी तटकरे यांची कॅबिनेट मंत्रीपदी वर्णी लागू दे, असा पुजाऱ्यांनी देवीकडे साकडं घातलं आहे. याप्रसंगी तटकरे म्हणाले, आम्ही दरवर्षी आई तुळजाभवानीचे दर्शन घेण्यासाठी येथे येत असतो. महाराष्ट्रातील सर्व जनतेला सुख समृद्धीचं आयुष्य लाभो आणि बळीराजाला सर्वात चांगले दिवस येवो, हीच आई तुळजाभवानी चरणी प्रार्थना केली, असे तटकरे म्हणाले. मात्र, काही दिवसापूर्वीच केंद्रीय गृहमंत्री अमित शाह रायगड दौऱ्यावर असताना सुनील तटकरे यांनी अमित शाह यांना आपल्या घरी जेवणासाठी बोलावले होते. त्यानंतर अनेक राजकीय चर्चांना उधाण आले. असे असतानाच पुजाऱ्यांनी हे साकडं घातलं आहे. आता पुजाऱ्यांचे साकडं हे देवी पूर्ण करते का हे बघणं महत्त्वाचं ठरणार आहे.