धाराशिव : धाराशिवच्या तुळजा भवानी मंदिरात पुरातन नाणी आणि सोन्या चांदीच्या दागिन्यांवर दिलीप नाईकवाडी यांनी डल्ला मारला होता. त्यासंबंधितल्या फायली गायब झाल्या होत्या या प्रकरणी आता जिल्हाधिकाऱ्यांनी चौकशी समिती नेमली आहे. मंदिरातील सुरक्षेच्या आणि गैरव्यवहाराच्या अशा महत्त्वाच्या 50 पेक्षा अधिक संचिका गायब झाल्याचे प्रकरण उघड झाले होते. त्यानंतर कर्मचाऱ्यांना नोटीस देखील काढल्या होत्या. आता त्यांनी आपले म्हणणे मांडल्यानंतर मंदिर संस्थानचे अध्यक्ष तथा जिल्हाधिकारी डॉ.सचिन ओंबासे यांनी चौकशी समिती नियुक्त केली आहे.