शहापूर येथे मुंबई-नागपूर समृद्धी महामार्गावर आज दुपारी एका ट्रकला अचानक आग लागल्याची घटना घडली. चॅनल नंबर 650 जवळ घडलेल्या या अपघातामुळे महामार्गावर मोठी अडचण निर्माण झाली आहे. आग लागलेल्या ट्रक पर्यंत पोहोचण्यासाठी पर्यायी मार्ग नसल्यामुळे अग्निशमन दलाला मोठ्या अडचणींना सामोरे जावे लागले. आग विझवण्यासाठी वेळेवर पाणी पोहोचू शकले नाही आणि त्यामुळे संपूर्ण ट्रक जळून खाक झाला. यावेळी, पर्यायी मार्गापासून आग लागलेल्या ठिकाणापर्यंत 15 ते 20 किलोमीटर अंतर असल्याने अग्निशमन दलासाठी परिस्थिती अधिक कठीण बनली होती. सुदैवाने, घटनास्थळी कोणीही जखमी झाल्याची माहिती मिळाली नाही, परंतु ट्रक आणि आतमधील असलेले सर्व सामान जळून नष्ट झाले आहे.