नाशिकच्या त्र्यंबकेश्वर मंदिरात दर्शनासाठी आलेल्या भाविकांची लूट होत असल्याचा आरोप होतोय. मंदिराभोवती फिरणारे दलाल श्रीमंत भाविकांच्या शोधात असतात. परराज्यातील भाविकांना ते अचूकपणे हेरतात. त्यांना फक्त मंदिरापर्यंत पोहोचविण्याचे दोनशे रुपये घेतले जातात. पास काढून दर्शनासाठी पाठविण्याचे प्रतिव्यक्ती ४०० ते ४५० रुपये घेण्याचा हा एक प्रकारे व्यवसाय बनलाय. महत्त्वाचं म्हणजे १० मिनिटांत दर्शन घ्यायचे असल्यास तीन हजार रुपयांपर्यंत भाव वाढतात. अनेक भाविक या दर्शन स्कीमला बळी पडत असल्य़ाचं समोर आलंय. .त्र्यंबकेश्वरमध्ये भाविकाच्या लुटीचा हा मुद्दा नाशिक सकाळने लावून धरलाय.