मुंबई-नाशिक महामार्ग सलग तिसऱ्या दिवशी ही जाम असल्याची माहिती समोर येत आहे. मुंबई-नाशिक महामार्गावरील वाशिंद आणि आसनगाव या ठिकाणी उड्डाण पूलाचे काम संथ गतीने सुरू आहे. यामुळे उड्डाण पूलाच्या कामाचा मनस्ताप मुंबई व नाशिक कडे जाणाऱ्या प्रवाशांना होत आहे. दररोज या ठिकाणी 5 किलोमीटर च्या लांबच लांब रांगा लागत असल्याने महामार्गावरील प्रवाशांना समस्येचा सामना करावा लागत असून प्रवाशांकडून संताप व्यक्त केला जात आहे. उड्डाण पूलाच्या दोन्ही बाजूला ठेकेदारांनी कच्चे स्वरूपात दगड व माती ने रस्ते बनवले होते. यामुळे यंदाच्या पहिल्या पावसात मोठे खड्डे पडून रस्ता वाहून गेला असून वाहतूक कोंडी निर्माण झाली आहे.