Toxic Cough Syrup Kills 14 Children, Sale Halted in Nagpur : नागपुरात खोकल्यावरील काही औषधांची विक्री थांबवण्यात आली आहे. विषारी कफ सिरपमुळे चार राज्यात अनेक बालकांचा मृत्यू झाला आहे. त्यामुळे अन्न आणि औषध प्रशासन विभागाने हा मोठा निर्णय घेतलाय.. तसेच नागपुरातील खोकल्यावरील औषधांचे नमुने देखील तपासणीसाठी पाठवण्यात आले आहेत. मध्य प्रदेशच्या छिंदवाडा आणि परासिया परिसरातील 14 मुलं अत्यवस्थ अवस्थेत नागपुरातील रुग्णालयात दाखल झाली होती. त्यापैकी 8 मुलांचा मृत्यू झाला. तर सध्या चार रुग्ण जीवनरक्षण प्रणालीवर असून दोघे अतिदक्षता विभागात आहेत.

नागपूर आणि लगतच्या मध्य प्रदेशात आलेल्या बालमृत्यू हे आरोग्य यंत्रणेसमोर मोठं आव्हान बनले आहेत. आरोग्य विभागासोबतच अन्न आणि औषध प्रशासनही सतर्क झालं असून औषध साठ्यांची तपासणी सुरू आहे.