भूषण अहिरे, साम टीव्ही

धुळे: लळिंग घाटात मुंबई-आग्रा महामार्गावर झालेल्या विचित्र अपघातानंतर अपघातग्रस्तांना मदत करण्यासाठी लळींग टोलवरील कर्मचारी धावून गेला असता, यावेळी मागून येणाऱ्या भरधाव वाहनाने या टोल कर्मचाऱ्याला देखील धडक दिल्याने या धडकेत संबंधित टोल कर्मचारी देखील जागीच मृत्यु झाला. यामुळे टोल कर्मचारी संतप्त झाले असून, टोल कर्मचाऱ्यांनी मुंबई-आग्रा महामार्गावर रास्ता रोको करत प्रशासनाच्या विरोधामध्ये संताप व्यक्त केला आहे. टोल नाक्यावर कार्यरत असलेल्या कर्मचाऱ्यांना कुठल्याही प्रकारची सुविधा शासनातर्फे दिली जात नसल्याचा आरोप लावत, या मृत्युमुखी पडलेल्या टोल कर्मचाऱ्याच्या कुटुंबीयांना भरपाई मिळवून द्यावी अशी मागणी यावेळी या कर्मचाऱ्यांनी केली असून, टोल कर्मचाऱ्यांसाठी शासनाने आवश्यक सुविधा द्याव्यात अशी मागणी यावेळी या संतप्त टोल कर्मचाऱ्यांनी केली आहे.