अभिनेता टायगर श्रोफ याच्यावर झालेल्या गोळीबार प्रकरणात महत्वाची बातमी समोर आली आहे. गोळीबार केल्यानंतर घटनास्थळावरून पळ काढणाऱ्या आरोपींचे सीसीटीव्ही फुटेज सामोर आले आहे. अंधेरी रेल्वे स्थानकाजवळ दुचाकी पार्क करून आरोपीनी ट्रेनने पळ काढल्याची माहिती समोर आली आहे. गोळीबाराच्या घटनेनंतर आरोपीनी पोलिसांना चकवा देण्यासाठी वेगळाच मार्ग निवडल्याचे दिसत आहे. अंधेरी स्थानकाजवळ दुचाकी सोडून त्यांनी रेल्वेने प्रवास केला. गर्दीत मिसळून मुंबईबाहेर जाण्याच्या तयारीत असलेले आरोपी सीसीटीव्ही कॅमेऱ्यात कॅमेऱ्यात कैद झाले आहेत. या सीसीटीव्ही फुटेजच्या माध्यमातून आरोपींची ओळख पटवण्यात पोलिसांना यश आल्याची माहिती समोर आली आहे. त्यामुळे आता या प्रकरणाच्या तपासाला महत्त्वाची दिशा मिळण्याची शक्यता आहे. दरम्यान, टायगर श्रॉफवरील गोळीबार प्रकरणात आरोपी नेमके कुठे गेले, त्यांना पळून जाण्यासाठी कोणी मदत केली का आणि या हल्ल्यामागे कोणाचा हात आहे, याचा तपास पोलीस करत आहेत.