राज्यभरात अनेक ठिकाणी मुसळधार पाऊस बरसत आहे. अनेक नद्या ह्या दुथडीभरुन वाहत आहेत. अशातच कर्जतमधील उल्हास नदी पात्रात मासेमारी करायला गेलेला तरुण वाहून जात होता अशी माहिती समोर येत आहे. तो पाय घसरून नदी पात्रात पडला आणि उल्हास नदीच्या पाण्यात वाहून गेला. त्याचे प्राण वाचवण्यात बचाव पथकाला यश आलं असून महेंद्र पवार असं या तरुणाचं नाव आहे. हा तरुण दुथडी भरून वाहणाऱ्या उल्हास नदीच्या पात्रात पाच किलोमीटर पर्यंत पाण्यात वाहून गेला. 3 ते 4 तासांच्या प्रयत्ना नंतर तरुणाला सुखरूप पाण्याबाहेर काढण्यात बचाव पथकाला यश आले आहे.