राज्यभरात सध्या सरकारच्या मुख्यमंत्री लाडकी बहीण योजनेची जोरदार चर्चा सुरु आहे. अनेक महिला याला चांगला प्रतिसाद देत असून या योजनेसाठी अर्ज करत आहेत. मात्र याच योजनेशी संबंधित एक धक्कादायक प्रकार समोर आला आहे. साताऱ्यात एका व्यक्तीने आपल्या पत्नीच्या नावे 30 अर्ज दाखल करत सरकारची हजारो रुपयांची फसवणूक केली आहे. खारघरमधील महिला पुजा प्रसाद महामुनी यांच्या आधारकार्डचा गैरवापर झाल्याचे समोर आल्यानंतर पनवेल तहसिल कार्यालयात तक्रार केली असता हा प्रकार समोर आला आहे.