कोकणात रविवारपासूनच मुसळधार पाऊस सुरु आहे. त्यामुळे कोकण रेल्वेचा खोळंबा झालेला पाहायला मिळत आहे. खेडमधील दिवाण खवटी या परिसरामध्ये रेल्वे रुळावर माती आली होती. ही माती रेल्वे रुळावरुन बाजूला काढायचं काम युद्धपातळीवर सुरु आहे. गेल्या १५ ते २० तासापासून ही माती बाजूला काढण्याचं काम सुरु आहे. आता रेल्वे रुळावरुन माती काढण्याचं काम अंतिम टप्प्यात आलं असून दोन ते अडीच तासांत रेल्वे मार्ग सुरु होण्याची शक्यता वर्तवली जात आहे. यामुळे अनेक प्रवासी हे रेल्वे स्थानकावर अडकले आहेत. त्यांना ST सेवा उपलब्ध करुण देण्यात आली आहे.