पालकमंत्री हसन मुश्रीफ हे कोल्हापूरात पूरग्रस्त भागाच्या दौऱ्यासाठी आले होते. यादरम्यान खासदार धैर्यशील माने आणि आमदार पुत्र राहुल आवडे या दोघांच्या वाहनचालकांमध्ये फ्री स्टाईल हाणामारी पाहायला मिळाली. दोन्ही नेत्यांची वाहनं पार्किंग करत असताना एकमेकाला घासल्याने वाहन चालकांमध्ये वाद झाल्याची माहिती समोर आली आहे. यावरुन दोन्ही वाहनचालकांकडून आधी एकमेकांना अश्लील शिवीगाळ करण्यात आली त्यानंतर बेल्टने फ्री स्टाईल हाणामारी करण्यात आली असून हे प्रकरण एकमेकांचे कपडे फाटेपर्यंत वाढलं. शिवाय सदर प्रकार हा हसन मुश्रीफ यांच्या समोरच घडला आहे.