मुंबई पोलिसांच्या तपासात त्रुटी असल्याने अभिषेक घोसाळकर गोळीबार प्रकरण सीबीआयकडे सोपवण्यात येत असल्याचं हायकोर्टाकडून सांगण्यात आलं आहे. यासंदर्भात तेजस्विनी घोसाळकर यांनी हायकोर्टात याचिका दाखल केली होती. ती हायकोर्टाने स्वीकारली आहे. मुंबई पोलिसांना हा हायकोर्टाने दिलेला धक्का आहे.

अभिषेक घोसाळकर हत्ये प्रकरणी पोलिसांवर राजकीय दबाव आहे. त्या दबावामुळे पोलिस या घटनेचा योग्य तपास करत नसल्याचा आरोप तेजस्विनी घोसाळकर सळकर यांनी केला होता. शुक्रवारी मुंबई उच्च न्यायालयाने त्यांची ही याचिका स्वीकारली असून आता या प्रकरणाचा पुढील तपास सीबीआय करणार आहे. फेब्रुवारी २०२४ मध्ये मॉरिस भाई याने अभिषेक घोसाळकर यांची गोळ्या झाडून हत्या केली होती.