प्रदीप पुर्णेकर यांच्या हत्येनंतर ठाण्यात दोन्ही शिवसेना एकमेकांच्या विरोधात उभ्या ठाकल्या आहेत. त्यामुळे मोठा गोंधळ निर्माण झाला असून शिंदेसेना विरुद्ध ठाकरे सेना आणि मनसे असे चित्र निर्माण झाले आहेत. शिंदेंच्या शिवसेनेचे टेंभी नाक्यावर शक्तिप्रदर्शन पाहायला मिळत आहे. तसेच आमदार आदित्य ठाकरे यांनी ठाणे पोलिस आयुक्तांची भेट घेतली आहे. त्याआधी पूर्णेकर कुटुंबियांची भेट घेऊन चर्चा केली. या प्रकरणात माजी महापौर मीनाक्षी शिंदे हे मुख्य आरोपी असल्याचा आरोप पुर्णेकर कुटुंबियांकडून करण्यात येत आहे. यामुळे ठाकरे सेना आणि मनसे ही चांगलीच आक्रमक झाली असून लवकरात लवकर मीनाक्षी शिंदे आणि त्यांचे पती राजेश शिंदे यांना अटक करण्यात यावी अशी मागणी ठाकरे सेना आणि मनसेकडून करण्यात येत आहे.