sensitive information leak, honeytrap spy India : पाकिस्तानला गोपनीय माहिती पुरवल्याच्या आरोपाखाली ठाणे पोलिसांनी २७ वर्षीय इंजिनीअर रवी वर्माला अटक केली आहे. रवी वर्मा लष्कराला संरक्षण साहित्य पुरवणाऱ्या कंपनीत कार्यरत होता. पाकिस्तानच्या गुप्तचर यंत्रणेने रवीला हनी ट्रॅपमध्ये अडकवून त्याच्याकडून गोपनीय माहिती मिळवली. नोव्हेंबर २०२४ मध्ये रवीचा पाकिस्तानातील एका मुलीशी फेसबुकद्वारे संपर्क झाला. त्यानंतर नोव्हेंबर ते मार्च २०२५ या कालावधीत तो फेसबुक आणि व्हॉट्सअॅपद्वारे गोपनीय माहिती पुरवत होता. ठाणे पोलिसांनी गुप्त माहितीच्या आधारे कारवाई करत रवीला ताब्यात घेतले. त्याच्याकडून माहिती पुरवल्याचे पुरावे मिळाले असून, या प्रकरणाचा तपास सुरू आहे. रवीच्या अटकेमुळे संरक्षण क्षेत्रातील माहितीच्या सुरक्षिततेवर पुन्हा प्रश्नचिन्ह उपस्थित झाले आहे.

ठाण्यातील २७ वर्षीय इंजिनिअर रवि वर्मा याला पाकिस्तानला लष्करी गोपनीय माहिती पुरवल्याप्रकरणी अटक. हनी ट्रॅपच्या माध्यमातून माहिती मिळवण्यात आली होती. पोलिस तपास सुरू आहे.