राज्यात आज सकाळपासूनच पावसाचा जोर वाढला आहे. पावसामुळे अनेक ठिकाणी पाणी साचले आहे. त्यामुळे नागरिकांना खूप त्रास सहन करावा लागत आहे. नागरिक गुडघ्याभर पाण्यातून प्रवास करत आहेत. दरम्यान, या पाण्यात सापदेखील दिसत आहे. ठाण्यातील एक व्हिडिओ सोशल मीडियावर व्हायरल होत आहे. यामध्ये पाण्यसोबत सापदेखील नागरिकांच्या घरात घुसल्याचे दिसत आहे.त्यामुळे नागरिकांची चांगलीच धावपळ झाली आहे. यामुळे नागरिकांच्या सुरक्षिततेचा प्रश्न निर्माण झाला आहे. पाण्यातून सापदेखील प्रवास करत असतील तर नागरिकांना चालताना वैगेरे सतर्क राहावे लागणार आहे.