महापालिका निवडणुकीच्या पार्श्वभूमीवर राज्यातील राजकारण चांगलेच तापले आहे. मुंबईमधील वरळी भागात तणावाची परिस्थिति निर्माण झाली होती. शिवसेना ठाकरे गटाच्या पदाधिकाऱ्याला तडीपारीची नोटीस दिल्याने शिवसैनिक चांगलेच आक्रमक झाले होते. खासदार अरविंद सावंत यांची आणि पोलिसांशी शाब्दिक बाचाबाची देखील झाल्याचे दिसून आले.

ठाकरे गटाचे पदाधिकारी आकाश सोनवणे यांना वरळी पोलीस ठाण्याकडून तडीपारीची नोटीस बजावण्यात आल्यानंतर खासदार अरविंद सावंत आक्रमक झाले. संबधित पदाधिकाऱ्याची नेमकी चूक काय असा सवाल त्यांनी पोलिसांना केला. कोणताही गुन्हा दाखल नसताना त्यांच्यावर कारवाई का करण्यात आली असा जाब अरविंद सावंत यांनी विचारला.