पंतप्रधान नरेंद्र मोदी यांच्या हस्ते 8 महिन्यांपूर्वी मालवणमधील राजकोट किल्ल्यावर छत्रपती शिवाजी महाराजांच्या पुर्णाकृती पुतळ्याचे अनावरण करण्यात आले होते. परंतु, अवघ्या आठ महिन्यांतच हा पुतळा कोसळल्याने, विरोधकांकडून सत्ताधाऱ्यांवर टीकेची झोड उठवली गेली. राजकीय वर्तुळातून तीव्र प्रतिक्रया उमटल्या. दरम्यान महाविकास आघाडीकडून मालवणमध्ये आंदोलन करण्यात आले.

छत्रपती शिवाजी महाराजांचा पुतळा कोसळल्या प्रकरणी आज मालवणमध्ये मविआकडून आंदोलन पुकारले गेले, दरम्यान ठाकरे आणि राणे समर्थकांमध्ये राडा झाला, या राड्यादरम्यान राजकोट किल्ल्यावरील चिरा कोसळल्याची देखील दुर्देवी घटना घडली.