सोलापूरच्या माढा तालुक्यातील अंजनगाव खेलोबा येथे रात्रीतून छत्रपती शिवाजी महाराजांचा पुतळा उभारण्यात आल्याने दोन गटात वाद निर्माण झाला. यामुळे गावात सामाजिक तणाव निर्माण झाला आहे. परिस्थिती नियंत्रणात राहावा यासाठी जमाव बंदी आदेश लागू करण्यात आली आहे. दरम्यान अनाधिकृतपणे गावात पुतळा बसवल्या प्रकरणी दत्तात्रय पाटेकर,ओंकार चव्हाण आणि गजानन कृपाळ तीन जणांवर माढा पोलीस ठाण्यात गुन्हा दाखल करण्यात आला आहे. पुतळा कायम ठेवावा या मागणीसाठी एका गटाने टायर पेटवून आंदोलन करण्यात आले. सध्या गावात तणाव असून पोलिस बंदोबस्त तैनात करण्यात आला आहे.