स्पर्म डोनेट करणारा विकी डोनरचा मुव्ही तुम्ही पाहिलाच असेल. आता रिअल लाईफ मधला विकी डोनर समोर आला आहे. टेलिग्राम फाऊंडर आणि सीईओ पावेल दुरोव यांनी मोठा खुलासा केला आहे. जगात एक दोन नव्हे तर तब्बल 100 मुलांचा बाप असल्याचा मोठा खुलासा Telegram च्या CEO ने केलेला आहे. स्पर्म डोनेशनच्या माध्यामातून पावेल दुरोव यांनी १२ देशांमधील १०० हून अधिक मुलांना जन्म दिला असल्याचा खुलासा त्यांनी केला आहे. १५ वर्षांपूर्वी पावेल यांच्या मित्राच्या बायकोला मुल जन्माला घालण्यास समस्या होती. तेव्हा त्यांच्या मित्राने त्यांना स्पर्म डोनेट करण्याची विनंती केली. ते स्पर्म डोनेट करण्यासाठी क्लिनिकला गेले असता डॉक्टरांनी त्यांना स्पर्मची क्वालिटी चांगली असल्याचं सांगितलं. त्यानंतर स्पर्म डोनेट करण्याचा निर्णय घेतला असं पावेल यांनी सांगितलं आहे.