तेजस्वी घोसाळकर ठाकरे गटात नाराज असल्याची चर्चा काही दिवसांपासून सुरू होती. अशातच भाजपची सत्ता असलेल्या मुंबई जिल्हा बँकेकडून तेजस्वी घोसाळकरांना संचालक केले आहे.

मुंबई जिल्हा बँकेचे अध्यक्ष भाजप नेते प्रविण दरेकर यांनी हा अभिषेक घोसाळकर यांच्या दुर्दैवी हत्येनंतर सद्भावनेने हा निर्णय घेतल्याचे सांगितले. अभिषेक घोसाळकर मुंबई बँकेत संचालक होते. त्यामुळे अभिषेक घोसाळकर यांच्या मृत्यूनंतर संचालक पदाची जागा रिक्त होती. त्या जागेवर अभिषेक यांची पत्नी तेजस्वी घोसाळकर यांची नियुक्ती करण्यात आली आहे. त्यामुळे त्या देखील भाजपमध्ये प्रवेश करणार असल्याची चर्चा राजकीय वर्तुळात सुरू आहे.