ऐन महापालिकेच्या निवडणुकीचं बिगूल वाजण्याच्या पूर्वीच ठाकरे गटाच्या महत्वाच्या नेत्या माजी नगरसेविका तेजस्वी घोसाळकर यांनी उद्धव ठाकरेंना जय महाराष्ट्र करत भाजपमध्ये प्रवेश केला आहे. भाजपचे मुंबई अध्यक्ष अमित साटम यांच्या प्रमुखब उपस्थित हा पक्षप्रवेश पार पडला. त्यानंतर त्यांनी माध्यमांशी संवाद साधला.

शिवसेना (उबाठा) पक्षाच्या माजी नगरसेविका तेजस्वी घोसाळकर यांनी भाजपमध्ये प्रवेश केला आहे. ठाकरे कुटुंबाला सोडण्याचा निर्णय खूप कठीण होता, पण पती अभिषेक घोसाळकर यांच्या हत्येचा खटला सीबीआयकडे संथ गतीने सुरू आहे, त्यामुळे न्यायासाठी आणि प्रभागातील विकासासाठी हा निर्णय घेतला,' असे त्यांनी स्पष्ट केले. उपमुख्यमंत्री देवेंद्र फडणवीस यांच्या भेटीनंतर हा प्रवेश निश्चित झाल्याचे त्यांनी सांगितले.