नवी दिल्ली : तारक मेहता का उलटा चष्मा या मालिकेतील एक अभिनेता बेपत्ता झाल्यानं खळबळ उडाली आहे. रोशन सिंह सोढी यांची भूमिका साकारणारे अभिनेते गुरुचरण सिंह हे गेल्या चार दिवसांपासून बेपत्ता आहेत. त्यांचा शोध घेतला जातोय. पोलिसांतही याबाबत माहिती देण्यात आली आहे. पोलिसांच्या मदतीने गुरुचरण सिंह यांचा शोध घेण्यासाठी कसून प्रयत्न केले जात आहेत. गुरुचरण सिंह यांनी चार दिवसांपूर्वी एक पोस्ट केली होता. वडिलांच्या वाढदिवसानिमित्त केलेल्या पोस्टनंतर ते अचानक गायब झाल्यानं चिंता व्यक्त केली जाते आहे. गुरुचरण सिंह यांच्या वडिलांनी पोलिसांत धाव घेऊन मुलाचा शोध घेण्यासाठी विनंती केलीय.