कॉक्रोच जनता पार्टीच्या आंदोलनात एका विद्यार्थिनीच्या वडिलांवर हल्ला करणाऱ्या स्वतंत्र भारद्वाजला दिल्ली पोलिसांनी उत्तर प्रदेशातील बुलंदशहरातून ताब्यात घेतलं. भारद्वाजवर कारवाईच्या मागणीसाठी सीजेपीच्या प्रमुख कार्यकर्त्यांनी खासदार चंद्रशेखर आझाद यांच्यासह शुक्रवारी दिल्लीच्या संसद मार्ग ठाण्यावर आंदोलन केलं होतं. स्वतंत्रला ७२ तासांच्या आत अटक करण्याचे आश्वासन पोलिसांनी दिलं होतं. मात्र, त्यानंतर काही तासांच्या आतच त्याला ताब्यात घेण्यात आलं.

मीडिया रिपोर्टनुसार, भारद्वाजच्या शोधासाठी पोलिसांनी पथके स्थापन केली होती. त्याला पकडण्यासाठी पोलीस नैथला गावात पोहोचले. पण त्याआधीच तो निसटला. मोटरसायकलवरून तो खुर्जाकडे पसार झाला. काही वेळाने पोलिसांनी त्याला ताब्यात घेतलं. त्याने ओळख लपवण्यासाठी हेल्मेट घातला होता, अशी माहिती पोलिसांनी दिली.