कोल्हापूरचा मराठमोळा खेळाडू स्वप्निल कुसळे पहिलीच ऑलिम्पिक स्पर्धा खेळला. पॅरिस ऑलिम्पिकमध्ये कुसळे याने कांस्य पदक पटकावलं आहे. स्वप्निल कुसळे याने ऑलिंपिकच्या अंतिम फेरीत प्रवेश केला होता. मनू भाकर आणि सरबज्योत सिंगच्या पाठोपाठ स्वप्निल कडून ही पदकाची आशा निर्माण झाली होती. त्या आशेवर स्वप्निल खरा उतरला आहे. स्वप्निल कुसळे याने 50 मीटर रायफल थ्री पोझिशन या प्रकाराची अंतिम फेरी गाठत दणदणीत विजय मिळवला आहे. देशभरातून महाराष्ट्राच्या या पठ्ठ्याचे कौतूक होत आहे. या ऑलिम्पिकमध्ये भारताचे हे तिसरे कांस्य पदक आहे.