पुणे : पुण्यात ऐतिहासिक शनिवारवाड्यासमोर (Shaniwar Wada ) बेवारस बॅग आढळली आहे. त्यामुळे एकच खळबळ उडाली असून बॉम्बपथक शोधक पथकाने घटनास्थळी धाव घेतली आहे. आज शनिवार असल्याने पर्यटकांनी शनिवारवाडा पाहण्यासाठी गर्दी केली होती. पण आज ही बेवारस बॅग सापडल्याने एकच खळबळ उडाली आहे. ही बॅग सापडल्याने संपूर्ण परिसरात दहशतीचे वातावरण निर्माण झाल आहे. घटनेची माहिती मिळताच पोलिसांनी घटनास्थळी धाव घेतली आहे आणि संपूर्ण परिसर सील करून बॅगेची तपासणी सुरू केली आहे.