पुण्यात भाजपचा महाअधिवेशन मेळाव्यातून केंद्रीय गृहमंत्री अमित शाह यांनी उद्धव ठाकरे यांच्यावर टीका केली आहे. औरंगजेब फॅन क्लबचे अध्यक्ष असं म्हणत अमित शाह यांनी उद्धव ठाकरेंवर टीकास्त्र डागलं आता याला ठाकरे गटाच्या नेत्या सुषमा अंधारे यांनी जोरदार प्रत्युत्तर दिलं आहे. अमित शाह यांनी पुण्यामध्ये येऊन जी मुक्ताफळे उधळली त्यावरून दोन मुद्दे नक्कीच स्पष्ट झालेस असल्याचं अंधारे म्हणाल्या.त्यातला पहिला भाग म्हणजे आजही अमित शहा यांना महाराष्ट्रात आल्यानंतर भाषण चुरचुरीत करण्यासाठी उद्धव ठाकरे यांचं नाव घेतल्याशिवाय पर्याय नसल्याचं त्या म्हणाल्या. त्यांच नाव घेतल्याशिवाय शाह यांना भाषण सुरु ही करता येत नाही आणि संपवता ही येत नाही असा टोला सुषमा अंधारे यांनी लगावला आहे. अमित शाह यांच्यासमोर महाराष्ट्रातलं सगळ्यात मोठं आव्हान हे उद्धव बाळासाहेब ठाकरे असल्याचंही अंधारे म्हणाल्या.