लाडकी बहीण योजनेची घोषणा अजित पवार यांनी अर्थसंकल्पात केली होती. या योजनेतून प्रत्येक महिलेला महिन्याला 1500 रुपये मिळणार आहेत. दरम्यान यावरुन आता ठाकरे गटाच्या सुषमा अंधारे (Sushma Andhare) यांनी लाडकी बहीण योजनेवरुन (Ladki Bahin Yojana) अजित पवारांवर टीका केली होती. अंधारे म्हणाल्या, ज्यांनी स्वत:च्या बहिणीविरोधात उमेदवार दिला ते आता लाडकी बहीण योजनेची घोषणा करतात. त्यावर अजित पवार गटाच्या रुपाली पाटील यांनी सुषमा अंधारेंना सडेतोड उत्तर दिलं आहे. शूर्पणखासारखा बहिणीच्या पोटात पोटशूळ उठला असा पलटवार रुपाली पाटील यांनी केलाय.