शंभुराज देसाई यांच्या धमक्यांना आपण भीक घालत नाही असे विधान ठाकरे गटाच्या नेत्या सुषमा अंधारे यांनी केले आहे. शंभुराज देसाई यांनी जेव्हा पासून उत्पादन शुल्क विभागाचे मंत्री झाले आहेत तेव्हापासून नाशिक, संभाजीनगर आणि पुण्यात ड्रग्स सापडले आहे. एक्साईजची व्यक्ती सभागृहात तंबाखु चोळत असतात अशी जहरी टीकाही अंधारे यांनी केली आहे. लोकशाहीमध्ये विरोधकांना प्रश्न विचारण्याचा हक्क आहे आणि सत्ताधारी उत्तर द्यायला बांधील असतात, पण कदाचित शंभुराज देसाई यांना हे ज्ञात नसेल असेही अंधारे म्हणाल्या.