सुषमा अंधारे यांना नेण्यासाठी आलेले हेलिकॉप्टरचा अपघात झाला आहे. रायगडच्या महाडमध्ये हा अपघात झाला आहे. हे हेलिकॉप्टर जेव्हा क्रॅश झाले तेव्हा अंधारे त्यात नव्हत्या. त्यामुळे सुषमा अंधारे या सुखरुप आहेत. अपघातावेळी हेलिकॉप्टरमध्ये पायलट आणि असिस्टंट उपस्थित होता. सुदैवाने या अपघातात कोणीही जखमी झालेले नाही. या अपघातात हेलिकॉप्टरचे मोठे नुकसान झाले आहे. सुषमा अंधारे काल महाडमध्ये सभेसाठी आल्या होत्या. ही सभा आटोपून त्या बारामतीला जाणार होत्या. त्यासाठीच हे हेलिकॉप्टर मागवण्यात आले होते. या हेलिकॉप्टरमधून अंधारे आणि त्यांचा भाऊ विशाल प्रवास करणार होते.