कपिल पाटील यांचा भिवंडीत दंगल घडवण्याचा कट आहे असा आरोप शरद पवार गटाचे खासदर बाळ्या मामा म्हात्रे यांनी केला आहे. भिवंडीत हिंदू धर्मसभेचे आयोजन करण्यात आले आहे. या सभेला भाजप आमदार टी राजा सिंह उपस्थित राहणार आहेत. त्यांच्या या सभेला बाळ्या मामा म्हात्रे यांनी कडाडून विरोध केला आहे. टी राजा सिंह यांच्या माध्यमातून भिवंडीत धार्मिक तेढ निर्माण केली जात आहे, आणि दंगल घडवण्याचा हेतू आहे असा खळबळजनक आरोप म्हात्रे यांनी केला आहे.