राजधानी दिल्लीत अचानक राजकीय घडामोडींना वेग आला असून राजकीय वर्तुळात मोठ्या चर्चांना उधाण आले आहे. राष्ट्रवादी काँग्रेस (अजित पवार गट) खासदार सुनील तटकरे यांनी केंद्रीय गृहमंत्री अमित शाह यांची भेट घेतल्यानंतर लगेचच राष्ट्रवादी काँग्रेस (शरद पवार गट) खासदार सुप्रिया सुळे आणि खासदार बजरंग सोनवणे यांनी अमित शाह यांची भेट घेतली.

खासदार सुप्रिया सुळे यांची पंतप्रधान नरेंद्र मोदी आणि गृहमंत्री अमित शाह यांच्यासोबत गेल्या ६ दिवसांतील ही दुसरी भेट आहे. याआधी २२ जुलै रोजी शरद पवार आणि सुप्रिया सुळे यांनी पंतप्रधान नरेंद्र मोदी यांची भेट घेतली होती. तटकरे आणि सुप्रिया सुळे यांच्या पाठोपाठ झालेल्या या शहांच्या भेटीमुळे महाराष्ट्राच्या आणि केंद्राच्या राजकीय वर्तुळात चांगलीच खळबळ उडाली असून तर्क-वितर्कांना उधाण आले आहे.