मुंबई : आगामी विधानसभेच्या पार्श्वभूमीवर महाविकास आघाडीने मुंबईत आयोजित केलेल्या मेळाव्यात सुप्रिया सुळे यांनी सत्ताधाऱ्यांवर टीका केली. यावेळी सुप्रिया सुळे यांनी लाडकी बहीण योजनेवरूनही टीका केली.

सुप्रिया सुळे यांच्या भाषणातील मुद्दे

लोकसभेपर्यंत कोणालाच त्यांची बहीण आठवली नाही. निकालानंतर बहीण आठवली. दुर्दैव एका गोष्टीचं आहे की, बहिणीचं नातं भावाला समजलंच नाही. त्यांनी प्रेम आणि व्यवसायात गल्लत केली. प्रेमात व्यवसाय नसतो आणि पैसे नसतात. व्यवसायात प्रेम नसतं. प्रेमात पैसे आले की, त्याला नातं म्हणत नाहीत. महाराष्ट्र सरकारचं दुर्दैव आहे की व्यवसाय आणि प्रेमातलं अंतर समजलं नाही.

ते बोलताना म्हणतात की, एक बहीण गेली तर दुसऱ्या आणू.1500 रुपयाला या राज्यातलं नातं विकाऊ नाही. आमच्या नात्याचा अपमान आहे. दोन भाऊ म्हणाले...आमचं लक्ष आहे, तुमच्यावर कोण कुठे मतदान करतंय? जसे पैसे दिले तसे परत घेण्याची ताकद आमच्यात आहे.