राज्यात विधानसभा निवडणुकीचे वारे वाहू लागले आहे. मुख्यमंत्रीपदावरुन महायुती-मविआकडून दावे प्रतिदावे करण्यात येत आहेत. राज्यात पुढचा मुख्यमंत्री कोण होणार? याबाबत तक्रवितर्क लावले जात आहेत. त्यातच आता बारामतीमधील पोस्टरने सर्वांचे लक्ष वेधलेय. बारामतीमध्ये सुप्रिया सुळे आणि युगेंद्र पवार यांच्या नावाचे बॅनर्स झळकले आहेत.

सुप्रिया सुळे भावी मुख्यमंत्री, युगेंद्र पवार भावी आमदार... आशा आशयाचे बॅनर्स बारामतीमध्ये झळकले आहेत. या बॅनर्सने राज्याचे लक्ष वेधले आहे. बारामतीतील गुणवडी चौकात फुल अँड फायनल ग्रुपच्या वतीने पोस्टर्स लावण्यात आले आहेत.

बारामतीत सुप्रिया सुळे यांचे भावी मुख्यमंत्री म्हणून तर युगेंद्र पवारांचे फिक्स आमदार म्हणून बॅनर लागले आहेत. या बॅनरची सध्या राजकीय वर्तुळात सध्या जोरदार चर्चा सुरु आहे. ईद-ए-मिलादुन्नबी निमित्त हे बॅनर लावण्यात आलेले आहेत. बारामतीत लागलेले सुप्रिया सुळे आणि युगेंद्र पवारांचे बॅनर सगळ्यांचे लक्ष वेधून घेत आहेत.