बारामती लोकसभा मतदारासंघातून सुनेत्रा पवार यांनी निवडणूक लढवली होती. पण त्यांचा पराभव झाला. आता सुनेत्रा पवार यांनी राज्यसभेसाठी नामांकन भरले आहे. पुढे केंद्रात मंत्रिपद मिळाल्यावर काम करायला आवडेल असे विधान सुनेत्रा पवार यांनी केले. आता बारामतीमध्ये भावी मंत्री असे बॅनर लागले आहेत. बारामती शहरात श्रीकांत जाधव मित्रपरिवाराने हे बॅनर लावले आहेत. अजित पवार गटाने बंडखोरी केल्यानंतर सुनेत्रा पवार बारामतीतून लढतील असे सांगितले जात होते. नंतर त्यांना उमेदवारीही मिळाली. पण दीड लाख मताधिक्क्यांनी सुप्रिया सुळे यांनी सुनेत्रा पवार यांचा पराभव केला.