शिर्डी नगरपालिकेच्या निवडणुकीत भाजपच्या उमेदवार जयश्री विष्णू थोरात यांनी विजयी आघाडी घेतल्याने शहरात उत्साहाचं वातावरण निर्माण झालं आहे. मतमोजणीच्या सुरुवातीपासूनच भाजप आघाडीवर असून भाजपचा विजय जवळपास निश्चित मानला जात आहे.

विजयी आघाडी जाहीर होताच भाजप नेते सुजय विखे यांची शिर्डीत दिमाखदार एन्ट्री झाली. यावेळी प्रतीकात्मक टायगर (वाघ) सोबत विखे यांचा भव्य प्रवेश पाहायला मिळाला. कार्यकर्त्यांनी मोठ्या संख्येने उपस्थित राहून जोरदार जल्लोष केला. यावेळी टायगर अभी जिंदा है अशा घोषणांनी संपूर्ण शिर्डी दुमदुमून गेल्याचे दिसून आले.