अहमदनगर लोकसभेतून सुजय विखे पाटील यांचा पराभव झाला होता. आता सुजय विखे पाटलांनी ईव्हीएमच्या पडताळणीची मागणी केली आहे. यासाठी विखे पाटलांनी लाखो रुपयांचे शुल्कही भरले आहे. सुजय विखे पाटील यांनी ४० केंद्रावरच्या ईव्हीएम आणि व्हीव्हीपॅटची पडताळणी करण्याची मागणी केली आहे. यासाठी विखे पाटील यांनी एका मतदान केंद्रामागे ४७ हजार २०० रुपये असे एकूण १८ लाख ८८ हजार रुपांचे शुल्क भरले आहे. अहमदनगरमध्ये भाजपच्या सुजय विखे पाटलांचा शरद पवार गटाचे उमेदवार निलेश लंके यांनी २८ हजार ९२९ मतांनी पराभव केला होता.