महायुतीमध्ये आता वादाची ठिणगी पडली आहे. सुहास कांदे यांना उमेदवारी दिल्यास काम करणार नाही अशी भूमिका राष्ट्रवादी काँग्रेस अजित पवार गटाच्या कार्यकर्त्यांची घेतली आहे. या अनुषंगाने आज नांदगांव-मनमाड मतदारसंघातील राष्ट्रवादी काँग्रेसचे पदाधिकारी अजित पवार यांची भेट घेणार आहेत.

सुहास कांदे आणि छगन भुजबळ यांच्यातील वाद हा सर्वश्रुत आहे. त्यातच दोघांचाही मतदारसंघ एकच आहे. राष्ट्रवादीकडून समीर भुजबळ यांना उमेदवारी दिली जावई अशी मागणी पहिल्यापासूनच कार्यकर्त्यांनी केली होती. मात्र आता ही जागा शिंदे गटाकडे असल्याने ही जागा सुहास कांदे लढवण्याची शक्यता आहे. त्यामुळे राष्ट्रवादी अजित पवार यनच्या गटातील कार्यकर्त्यांनी आक्रमक पवित्रा घेत सुहास कांदे यांना उमेदवारी दिल्यास काम करणार असल्याची भूमिका घेतली आहे. जागा राष्ट्रवादीला मिळावी अथवा शिवसेनेने उमेदवार बदलावा अशी मागणी समीर भुजबळ आणि त्यांच्या कार्यकर्त्यांची आहे. याबाबत अजित पवार यांची भेट घेऊन राष्ट्रवादी काँग्रेसला जागा देण्यात यावी अशी मागणी कार्यकर्ते करणार आहेत.

Edited By Rakhi Rajput