नाशिक: येथील ठाकरे गटाचे उपनेते सुधाकर बडगुजर यांनी मुख्यमंत्री देवेंद्र फडणवीस यांची भेट घतेल्यानंतर आपल्याच पक्षावर नाराजी व्यक्त केली होती. पक्षविरोधी काम केल्यामुळे त्यांची आज पक्षातून संजय राऊतांनी फोन करून हकापट्टी केली असल्याचे सांगितले. बडगुजर हे भाजपमध्ये जाणार असल्याची चर्चा सुरू आहे. मात्र आता नाशिक पश्चिमच्या आमदार सीमा हिरे यांनी या पक्षप्रवेशाला कडाडून विरोध केला आहे.

या पार्श्वभूमीवर त्यांनी पत्रकार परिषद घेतली आणि भाजपच्या वरिष्ठ लोकानी बडगुजर यांना पक्षात घेऊन नये त्यांची प्रतिमा मलिन असून त्यांच्यावर अनेक गंभीर गुन्हे दाखल आहे असे बोलत त्यांनी बडगुजर यांच्यावर दाखल असलेल्या गुन्ह्याचा पाढाच वाचला. विधानसभा निवडणुकीच्या वेळेस त्यांच्या मुलाने आपल्या कार्यकर्त्यावर गोळीबार केला होता. सुदैवाने त्याचा जीव वाचला असे बोलत आमदार सीमा हिरे यांनी सुधाकर बडगुजर यांच्या पक्षप्रवेशाला तीव्र विरोध दर्शवला आहे. आगामी काळात बडगुजर हे कोणत्या पक्षात जाणार हे बघणे औत्सूक्याचे राहणार आहे.