जालना जिल्ह्याच्या बदनापूर तालुक्यातील मांडवा गावामध्ये वादळी वाऱ्यासह जोरदार पाऊस बरसला. वादळी वाऱ्यामुळे कोसळणाऱ्या पावसामुळे लग्नाचा मंडप उडाला. लग्नाचा मंडप उडाल्याने वऱ्हाडी मंडळीची चांगली तारांबळ उडालेली पाहायला मिळाली. मागील पाच दिवसापांसून जालना जिल्ह्यात अवकाळी पाऊस बरसतोय. या अवकाळी पावसामुळे मागील दोन दिवसांत अंगावर वीज पडून चार जणांचा मृत्यू झाल्याची घटना घडली आहे. अवकाळी पावसामुळे शेतकऱ्यांच्या पिकांचं मोठं नुकसान झालंय.