मानव व माकड-वानर संघर्ष टाळण्यासाठी एसओपी जाहीर करण्यात आल्या आहेत. वन विभागाकडून याबाबत एसओपी जाहीर केली आहे. उपद्रवी माकडांना जेरबंद करून सुरक्षित ठिकाणी सोडणार आहेत. माकडांसाठी प्रशिक्षित बचाव पथक तयार करणार आहे. मानवी वस्तीपासून १० किमी दूर वनपरिक्षेत्रात उपद्रवी माकडांना सोडणार आहे. माकडांना पकडण्यासाठी अनुभवी लोकांना मानधनही दिले जाणार आहे.

माकड पकडल्यानंतर किती मानधन मिळणार

- १० पर्यंत माकड/वानर बचावाकरिता सुरक्षितपणे पकडल्यास आणि सोडल्यास प्रती माकड ६०० रुपये दिले जातील.

- १० पेक्षा जास्त माकड/वानर संख्येसाठी प्रति माकड ३०० रुपये दिले जातील.

- एकावेळी एका प्रकरणात देण्यात येणारे आर्थिक सहाय्य १० हजार रुपयांपेक्षा जास्त नसावे.

- ५ पर्यंत माकड/वानर पकडणाऱ्या प्रशिक्षित व्यक्तीस १ हजार रुपये प्रवास खर्च अनुज्ञेय करण्यात यावा.

- सदर संख्या ५ पेक्षा जास्त असल्यास वेगळ्याने प्रवास खर्च मिळणार नाही.