पुणे : एसटी संपात फूट पडली आहे. स्वारगेट आगारातून एसटी बाहेर पडली आहे. पुण्यात संध्याकाळच्या सत्रात एसटी सेवा सुरळीत झाली आहे. कोकणात ठाणे मुंबई आणि इतर भागांमध्ये बसेस रवाना होत आहेत. एसटी बस आगारातून सुटल्याने बस स्थानकात प्रवाशांची वर्दळ पाहायला मिळत आहे. सकाळच्या सत्रात प्रवाशांना त्रास सहन करावा लागला होता. मात्र, आता परिस्थिती सुरळीत होत आहे.

गणेशोत्सवाच्या तोंडावरच एसटी कामगारांनी संप पुकारला होता. मात्र, आज औद्योगिक न्यायालयाने आजचा अघोषित संप बेकायदेशीर ठरवला आहे. तसेच या संपात सहभागी झालेल्या संघटना आणि कर्मचाऱ्यांना संपात सहभागी न होता तातडीने कामावर रुजू होण्याचे आदेश दिले आहेत. कोर्टाच्या आदेशानंतर संपात फूट पडली आहे.