मुंबई : महाराष्ट्र शिक्षण मंडळाकडून निकालाची तयारी सुरु करण्यात आली आहे. दरवर्षीच्या १० ते १५ दिवस आधी परीक्षा सुरु होणार आहे. बारावीची परीक्षा ही ११ फेब्रुवारीपासून सुरु होणार आहे. तर दहावीची परीक्षा ही २१ फेब्रुवारीपासून सुरु होणार आहे. त्यामुळे १०वी आणि १२ वीचा १५ मेपर्यंत निकाल लागण्याची शक्यता वर्तवण्यात आली आहे.

दहावी आणि बारावीच्या परीक्षा दरवर्षीच्या तुलनेत लवकर सुरु होत आहेत. या दोन्ही परीक्षा १० ते १५ दिवस आधीच सुरु होत असल्याचं पाहायला मिळत आहे. यामुळे निकाल देखील लवकर लागणार आहे. त्यामुळे दोन्ही परीक्षांचे निकल हे १५ मेपर्यंत लागण्याची शक्यता वर्तवण्यात आली आहे.